Søndag 30. august kl. 11 vert Ullensvang si sørgegudsteneste halden i Utne kyrkje. Me vonar mange kjem til gudsteneste denne dagen for å vere saman i sorga etter HM Kong Harald V sin død.
Søndag 30. august kl. 11 vil det i heile landet vere sørgegudstenester. Her i Ullensvang er det Utne kyrkje som er valgt til å ha denne spesielle gudstenesta. Det er Arne Opsahl Engen som har gudstenesta, og saman med kyrkjetenar og organist vil han legge tilrette for ei høgtidsam stund i kyrkja.
Kongen sin bortgang vil også bli markert på gudsteneste kl 11 i Odda, som ein del av forbønshandlinga. Grunna tre dåp og konfirmantpresentasjon i Odda fann vi det naudsynt å gjere det på denne måten; å ha sørgjegudstenesta i Utne kyrkje.
Lokale krefter vil bidra med musikk og song i Utne kyrkje. Me vonar mange tek turen til gudsteneste denne dagen, for å kjenne på at me står saman i sorga.